ایکوا کلچر و شرمپ ویلیو چین ذیلی کمیٹی کا پہلا اجلاس وزیر بحری امور جنید انوار چوہدری کی زیر صدارت منعقد ہوا، جس میں جھینگوں کی پیداوار اور برآمدات بڑھانے کے لیے مختلف اقدامات کا جائزہ لیا گیا۔
اجلاس سے خطاب کرتے ہوئے وزیر بحری امور جنید انوار چوہدری نے کہا کہ شرمپ فارمنگ اور ایکوا کلچر کو مضبوط برآمدی صنعت بنایا جائے گا۔ انہوں نے بتایا کہ گزشتہ مالی سال پاکستان سے جھینگوں کی برآمدات 62 ملین ڈالر رہیں۔
جنید انوار چوہدری نے کہا کہ شرمپ فارمنگ کے فروغ کے لیے معیاری بیج، بہتر خوراک اور بیماریوں سے بچاؤ کے مؤثر اقدامات ضروری ہیں۔ انہوں نے زور دیا کہ امریکا، چین اور یورپی منڈیوں میں پاکستانی جھینگوں کی برآمدات بڑھانے کے لیے عالمی معیار پر پورا اترنا ہوگا۔