سعودی اتحادی فوج نے دعویٰ کیا ہے کہ حوثی باغیوں کی جانب سے مکہ مکرمہ کی سمت بھیجا گیا ڈرون فضائی کارروائی میں تباہ کردیا گیا۔
غیر ملکی خبر رساں ادارے رائٹرز کے مطابق سعودی اتحادی فوج کے ترجمان کا کہنا ہے کہ ڈرون کو ہدف تک پہنچنے سے پہلے ہی فضا میں نشانہ بنایا گیا۔ تاہم ڈرون کو کس مقام پر اور کس دفاعی نظام کے ذریعے تباہ کیا گیا، اس حوالے سے تفصیلات جاری نہیں کی گئیں۔
دوسری جانب سعودی اتحادی فوج کے ڈرون گرانے سے متعلق حوثیوں کی جانب سے فوری ردعمل سامنے نہیں آیا جبکہ واقعے کی آزادانہ تصدیق تاحال نہیں ہوسکی۔