بلوچستان میں سیکیورٹی فورسز نے بروقت اور مؤثر کارروائی کرتے ہوئے فتنہ الہندوستان کی جانب سے ڈرون حملے کی کوشش ناکام بنا دی اور پانچ ڈرونز کو ہدف تک پہنچنے سے پہلے ہی تباہ کردیا۔
تفصیلات کے مطابق فتنہ الہندوستان کے دہشت گردوں نے ضلع خاران کے علاقے البٹ میں قائم سیکیورٹی فورسز کی چیک پوسٹ کو کم درجے کے ڈرونز کے ذریعے نشانہ بنانے کی کوشش کی۔
تاہم سیکیورٹی فورسز نے فوری ردعمل دیتے ہوئے تمام پانچوں ڈرونز مار گرائے۔ کارروائی کے نتیجے میں کسی قسم کا جانی یا مالی نقصان نہیں ہوا۔
سیکیورٹی فورسز کی بروقت کارروائی کے باعث دہشت گردوں کا حملہ ناکام ہوگیا۔