ایرانی حملوں میں امریکی پیٹریاٹ نظام کے 2 ریڈار تباہ کرنے کا دعویٰ

image

ایران کی سپاہ پاسداران انقلاب نے دعویٰ کیا ہے کہ ایرانی میزائل اور ڈرون حملوں کے دوران بحرین میں امریکی پیٹریاٹ فضائی دفاعی نظام کے دو ریڈار تباہ کردیے گئے۔

ایرانی پاسداران انقلاب کے مطابق بحرین میں موجود امریکی فوجی اڈوں پر کارروائی کی گئی، جس کے دوران امریکی فضائی دفاعی نظام کو نشانہ بنایا گیا اور پیٹریاٹ سسٹم کے دو ریڈار تباہ ہوئے۔

ایرانی حکام نے الزام عائد کیا ہے کہ امریکی ایم کیو ون اور ایم کیو نائن ڈرونز نے ایرانی فضائی حدود میں پرواز کی، جس کے ردعمل میں بحرین میں موجود امریکی فوجی تنصیبات کو نشانہ بنایا گیا۔

سپاہ پاسداران انقلاب کا کہنا ہے کہ بحرین میں امریکی دفاعی تنصیبات کے خلاف کارروائی ایرانی فضائی حدود کی مبینہ خلاف ورزی کا جواب تھی۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US