اِس سال بھی بین الاقوامی مشاورتی کمپنی نے دو ہزار پندرہ کا ورلڈ رِسک میپ شائع کیا جس میں دنیا کے تمام ممالک کا جائزہ لینے کے بعد تعطیلات منانے والوں کو خبردار کیا گیا کہ کِن ممالک میں ہائی رِسک ہے اور کن ممالک میں بے خوف و خطر چھٹیاں منائی جا سکتی ہیں۔کمپنی کے مطابق انتہائی خطرناک ممالک یمن ، وسطی افریقہ ، سو مالیہ ، عراق ، شام ، اور افغانستان کے علاوہ مشرقی نائجیریا ، سوڈان ، داغستان اور پاکستان کے کچھ حصے شامل ہیں،باقی دنیا کے تمام ممالک کو کسی قسم کے خطرات سے آزاد قرار دیا گیا ، کمپنی نے آسٹریلیا ، نیوزی لینڈ ، چین ، جاپان اور امریکا کے علاوہ سب سے زیادہ محفوظ سکینڈے نیویا کے ممالک مثلاً سویڈن ، ڈین مارک ، ناروے ،گرین لینڈ اور آئس لینڈ کو قرار دیا ، برآعظم افریقہ کے چند ممالک گھانا ، سینیگال اور مراکش میں بغیر کسی ہچکچاہٹ کے تعطیلات منائی جا سکتی ہیں البتہ سیاسی خطرات میں گھرے ممالک لاطینی امریکا کے چلی ، کیوبا ، کوسٹاریکا اور ارجینٹینا محفوظ نہیں ہیں۔