آرٹس کونسل آف پاکستان کے انتخابات کا اعلان کردیا گیا ۔ پروفیسر سحرؔ
انصاری جو ہماری ویب ’رائیٹرز کلب‘ کے سرپرست اعلیٰ بھی ہیں نائب صدر کی
حیثیت سے کامیاب قرار دیے گئے۔ہماری ویب ’ رائیٹرز کلب‘ کے صدر ڈاکٹر رئیس
احمد صمدانی نے پروفیسر سحرؔ انصاری کو انتخابات میں کامیابی اپنی اور کلب
کے تمام لکھاریوں کی جانب سے دلی مبارک باد دیتے ہوئے کہا کہ آرٹس کونسل کے
اراکین نے سحرؔ انصاری کو کامیاب کرکے علم و ادب کی ترقی اورشہر کراچی میں
علمی سرگرمیوں کی ترویج کی راہ ہمرار کی ہے۔ انہوں نے امید ظاہر کی کہ
پروفیسر سحرؔ انصاری نائب صدر کی حیثیت سے آرٹس کونسل کی سرگرمیوں میں بلا
تفریق تمام اہل علم کو ساتھ لے کر چلیں گے۔