دبنگ تھری میں آئٹم سانگ کرنے سے ’’منی‘‘ کا انکار

ممبئی (این این آئی) بالی ووڈ کی ’’منی‘‘ ملائیکہ اروڑا نے دبنگ تھری کے آئٹم سانگ کرنے سے انکار کر دیا۔بھارتی میڈیا کے مطابق بالی ووڈ کے سلطان سلمان خان کی دبنگ سیریز کی تیسری فلم ’’دبنگ3‘‘ کو دیکھنے کے لیے شائقین بے چینی سے منتظر ہیں۔ فلم سیریز کے پہلے حصے ’دبنگ‘ میں ملائیکہ اروڑا نے ’’منی بدنام ہوئی‘‘ آئٹم سانگ پر ڈانس کرکے فلم کی کامیابی میں اہم کردار ادا کیا تھا۔ فلم کے دوسرے حصے میں ملائیکہ نے آئٹم سانگ ’’پانڈے جی سیٹی’‘ پر ڈانس کر کے شائقین کے دل جیتے اور فلم کی کامیابی میں کردار ادا

کیا تھا۔ بھارتی میڈیا کے مطابق اطلاعات تھیں کہ فلم کے تیسرے پارٹ میں ملائیکہ اروڑا ایک مرتبہ پھر ڈانس کرتی نظر آئینگی تاہم انہوں نے خاموشی توڑتے ہوئے کہا ہے کہ میں اس بار فلم میں شامل نہیں ہوں۔ انہوں نے’’دبنگ 3‘‘ کا حصہ ہونے کی تردید کرتے ہوئے کہا کہ پروجیکٹ دبنگ سے جڑے بیشتر افراد آگے بڑھ چکے ہیں، اس کے ساتھ ہی انہوں نے ’’دبنگ3‘‘ کے لیے نیک تمناؤں کا اظہار کیا۔ ایسی اطلاعات گردش کر رہی ہیں کہ اس آئٹم سانگ کے لیے بالی ووڈ بیبو کرینہ کپور سے رابطہ کیا جا رہا ہے۔ فلم کی 60 فیصد شوٹنگ مکمل ہو چکی ہے، اس فلم کو ارباز خان پروڈیوس کر رہے ہیں جبکہ پہلے دوسرے پارٹ کی طرح اس فلم میں سلمان خان کے ساتھ سوناکشی سنہا ہی ہیروئن کا کردار ادا کرتی نظر آئینگی۔ارباز خان کا کہنا تھا کہ فلم کی شوٹنگ ستمبر کے آخر تک مکمل ہو جائے گی۔ امید ہے رواں سال کے آخری مہینہ دسمبر میں فلم کی لانچنگ کا شائقین کو بتا دیں۔ فلم کی کامیابی کے حوالے سے حوصلے بلند ہیں، جانتا ہوں سلمان خان کے کردار چلبل پانڈے کو پسند کیا جاتا رہا ہے، اس فلم میں بھی وہ نئے روپ میں سامنے آئیں گے۔ فلم میں ولن کا کردار تیلگو اور ساؤتھ فلموں کے مشہور اداکار کیچا سدیپ ادا کرتے نظر آئیں گے۔رپورٹس کے مطابق دبنگ 3 میں مْنّی بدنام ہوئی کے بجائے مْنّا بدنام ہوا آئٹم گانے کو شامل کیا جائے گا جس میں خود چْلبل پانڈے یعنی سلمان خان جلوہ گر ہوں گے۔

 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.