بانجھ پن سے کیسے بچا جا سکتا ہے؟ ماہرین نے نئی تحقیق کے بعد بتا دیا

ڈنمارک کی ایک یونیورسٹی میں کی جانے والے تحقیق کے دوران یہ انکشاف ہوا ہے کہ ایسے مردوں میں بانجھ پن کا امکان بہت کم پایا جاتا ہے جو مچھلی کے تیل کا استعمال کرتے ہیں

سدرن ڈنمارک یونیورسٹی کی ایک طبی تحقیق کے مطابق جو مرد اومیگا تھری فیٹی ایسڈز سے بھرپور مچھلی کے تیل کے سپلیمنٹس استعمال کرتے ہیں ان میں بانجھ پن ہونے کا امکان انتہائی کم ہوتا ہے۔

تحقیق میں تقریباً 17 سو نوجوانوں کے ڈیٹا کا جائزہ لیا گیا جس سے یہ بات سامنے آئی کہ مچھلی کے تیل سپلیمنٹ کا استعمال کرنے والے مردوں میں اسپرم کاﺅنٹ دیگر افراد کے مقابلے میں زیادہ ہوتا ہے جبکہ ان ہارمونز کی تعداد بھی بہتر ہوتی ہے جو بچوں کی پیدائش میں مدد دیتے ہیں۔

میگزین جاما نیٹ ورک اوپن میں ایک تحقیق شائع کی گئی جس میں بتایا گیا کہ تمام مرد اومیگا تھری فیٹی ایسڈز کو اپنی غذا کا حصہ بنائیں تاکہ انہیں فائدہ حاصل ہو لیکن اس کے بہتر نتائج ان مردوں میں نظر آتے ہیں جن کے اسپرم کا معیار ناقص ہو چکا ہوتا ہے۔



تحقیق یکم جنوری 2012 سے 31 دسمبر 2017 کے دوران مختلف مردوں کا جسمانی معائنہ کر کے کی گئی جبکہ کچھ سوالنامے بھی فِل کروائے گئے۔

ان مردوں کا جسمانی امتحان لیا گیا جبکہ کچھ نمونے بھی لئے تاہم ان کی غذا، وٹامنز، غذائی سپلیمنٹس اور طبی مسائل کے حوالے سے بھی معلومات حاصل کی گئیں۔

حاصل ہونے والے ڈیٹا کے نتائج میں دیکھا گیا کہ جن مردوں نے گزشتہ 3 ماہ کے دوران مچھلی کے تیل کے سپلیمنٹس کا استعمال کیا ہے ان میں اسپرم کا معیار بہتر ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.