بھارتی اداکار رشی کپور نے وزیرِاعظم پاکستان کو بڑا مشورہ دے دیا

بالی ووڈ کے نامور اداکار رشی کپور نے وزیرِاعظم پاکستان عمران خان کو مشورہ دے دیا۔

سماجی رابطے کی ویب سائٹ ٹوئٹر پر رشی کپور نے اپنا پیغام جاری کرتے ہوئے کہا کہ 'تمام تر احترام کے ساتھ میں پاکستان کے وزیر اعظم عمران خان کو ایک مشورہ دینا چاہتا ہوں کہ عمران خان کو بھی چاہیے کہ وہ اپنے ملک کے عوام کو کورونا وائرس کے حوالے سے مناسب احتیاط برتنے کا مشورہ دیں'۔

With all due respect, Pakistan Prime Minister Imran Khan should also advice his country to take adequate precautions. People of Pakistan are also dear to us. Once we were one. We are concerned too. This is a global crisis. No ego matter this. We love you guys. Humanity zindabad !

— Rishi Kapoor (@chintskap) March 19, 2020

بھارتی اداکار نے لکھا کہ 'کورونا وائرس ایک عالمی بحران ہے۔ پاکستان کے لوگ ہمیں بہت پیارے ہیں کیونکہ ایک وقت تھا کہ جب ہم سب ایک تھے، اِسی لیے ہمیں بھی پاکستان کے لوگوں کی فکر ہے'۔

اداکار نے مزید لکھا کہ 'یہ ایک ایسا وقت ہے کہ کسی کی انا سے کوئی فرق نہیں پڑتا، اُن کا کہنا تھا کہ ہم پاکستانیوں سے بہت محبت کرتے ہیں'۔

آخر میں رشی کپور نے 'انسانیت زندہ باد' کا نعرہ بھی لگایا۔

رشی کپور کے اِس ٹوئٹ پر پاکستان کے معروف گلوکار شفقت امانت علی نے جواب دیتے ہوئے لکھا کہ 'آپ کی محبت اور احترام کے لیے آپ کا بہت بہت شکریہ'۔

Thank you so much for your lovely wishes. Much love and respect to you. You are right, we are all in this together and this is not about countries, but about humanity. Humanity Zindabad! Hope we overcome this threat soon. Love and best wishes to you 🙏

— Shafqat Amanat Ali (@ShafqatAmanatA) March 19, 2020