بھارت میں کرفیو کے دوران والدین نے اپنی پیدا ہونے والی بچی کا نام ’ کورونا‘ رکھ دیا۔
ذرائع کے مطابق بھارتی ریاست اترپردیش کے ضلع گورکھ پور میں اتوار کے روز بچی کی پیدائش اُس وقت ہوئی جب سرکار کی جانب سے پورے بھارت میں کرفیو نافذ کیا گیا۔
بچی کے انکل کا اس حوالے سے کہنا تھا کہ بچی اتوار کے روز پیدا ہوئی اور اُس وقت ہوئی جب شہر میں کرفیو کا سماء تھا، جس کے باعث ہمیں اپنی بہن کو اسپتال لے جانے میں شدید مشکلات درپیش آئیں۔
اُن کا مزید کہنا تھا کہ ہم نے بچی کا نام کورونا رکھا ہے اور اب اسی نام سے ہی سرکاری دستاویزات میں اُس کا اندراج کروائیں گے۔
خیال رہے کہ بھارتی حکومت کی جانب سے مہلک کورونا وائرس کی روک تھام کے لیے 22 مارچ کو کرفیو نافذ کیا گیا تھا اور عوام سے گھروں میں رہنے کی اپیل کی تھی۔