میرے والد نے رشوت دینے سے۔۔۔ ویرات کوہلی نے بڑا انکشاف کردیا سب حیران رہ گئے

ون ڈے کرکٹ کے عالمی نمبر ایک بلے باز اور بھارتی ٹیم کے کپتان ویرات کوہلی نے بھارتی فٹبال ٹیم کے کپتان کے ہمراہ ایک آن لائن فورم پر بات چیت کرتے ہوئے کہا کہ رشوت نہ دینے پر انہیں ٹیم میں جگہ نہیں دی گئی تھی جس سے ان کا دل ٹوٹ گیا تھا۔

اس دوران بھارتی ٹیم کے مایہ ناز بلے باز ویرات کوہلی نے انکشاف کرتے ہوئے کہا کہ ان کے والد نے ان کی دہلی کی جونیئر ٹیم میں سلیکشن کے لئے رشوت دینے سے صاف انکار کردیا تھا۔

انہوں نے کہا کہ اس شخص نے میرے والد کو کہا تھا کہ مجھ میں میرٹ تو ہے لیکن فائنل سلیکشن کے لئے کچھ رشوت دینی پڑے گی۔

کوہلی نے بتایا کہ میرے والد نے میرٹ پر سلیکشن پر اصرار کرتے ہوئے اس شخص سے کہا کہ اگر آپ نے ویرات کو منتخب کرنا ہے تو میرٹ کی بنیاد پر کریں، میں آپ کو کچھ بھی اضافی نہیں دوں گا۔

بھارتی ٹیم کے موجودہ کپتان نے کہا کہ ٹیم میں منتخب نہ ہونے پر وہ بہت روئے اور ان کا دل ٹوٹ گیا لیکن اس واقعے نے انہیں بہت کچھ سکھایا اور وہ سمجھ گئے کہ دنیا اسی طرح چلتی ہے۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

1687