کراچی سرد موسم کی لپیٹ میں آ گیا ہے، جہاں درجہ حرارت سنگل ڈیجیٹ میں ریکارڈ کیا گیا ہے۔ محکمہ موسمیات کے مطابق آئندہ 24 گھنٹوں کے دوران موسم خشک اور رات میں سرد رہنے کا امکان ہے۔
شہر کا کم سے کم درجہ حرارت 9.5 ڈگری سینٹی گریڈ ریکارڈ کیا گیا، اور توقع ہے کہ یہ رات میں 8 سے 10 ڈگری سینٹی گریڈ کے درمیان رہے گا۔ زیادہ سے زیادہ درجہ حرارت 24 سے 26 ڈگری سینٹی گریڈ تک رہنے کا امکان ہے، ہوا میں نمی کا تناسب 58 فیصد ہے اور شمال مشرق کی سمت سے ہوائیں چل سکتی ہیں۔
محکمہ موسمیات کے مطابق جناح ٹرمینل 7.9، گلستان جوہر 10.5، شارع فیصل 11.5، بن قاسم 11 اور ماڑی پور 12.5 ڈگری سینٹی گریڈ ریکارڈ کیا گیا۔