کورونا وائرس سے بچاؤ کے لیے ملک بھر میں ماسک لینے والوں میں کافی اضافہ ہوگیا ہے۔
تفصیلات کے مطابق ماہرین نے اس عالمی وبا سے بچنے کے لیے پوری دنیا کے افراد کو ماسک پہننے کا کہا ہے تاکہ کورونا سے بچا جائے لیکن شرط یہ ہے کہ ماسک محفوظ ہو۔
ایک وقت ایسا آتا ہے جب ماسک اپنا کام کرنا چھوڑ دیتا ہے، اس وقت آپ کو فوراً اسے تبدیل کرلینا چاہئیے اور اگر آپ کپڑے کا ماسک استعمال کر رہے ہیں تو اسے فوری دھونا چاہیئے۔
آئیے جانیں کہ کون سی ہیں وہ علامات جس وقت آپ کو اپنا ماسک تبدیل کرنا چاہئے۔
مختلف جگہوں کو چھو کر ماسک کو چھونا
ظاہر ہے کورونا کا خطرہ ہر طرف ہے پھر چاہے وہ دروازہ کا ہینڈل ہو، سیڑھیوں کی ریلنگ ہو، ڈیلیوری بیگز کو چھونا ہو، کوئی کھڑکی ہو خواہ ان سب کو چھونے کے بعد لازمی اپنا ماسک تبدیل کریں۔
مریض کی عیادت کے لیے جانا
اگر آپ کسی مریض سے ملنے اس کی عیادت کرنے اس کے گھر یا اسپتال گئے ہیں اور آپ کو لگ رہا ہے کہ اس میں کورونا وائرس کی علامات موجود ہیں تو فوراً اپنا ماسک تبدیل کرلیں۔