کورونا وبا کے علاج کے لئے جہاں ملکی اور عالمی سطح پر ویکسین بنانے کی تیاری کا عمل تاحال جاری ہے، وہیں اس وائرس کے حوالے سے ایک اہم پیش گوئی بھی سامنے آئی ہے۔
معروف علم نجوم کے ماہر ہمایوں محبوب نے پیش گوئی کرتے ہوئے کہا ہے کہ ستاروں کے حساب سے رواں ماہ کی 18 تاریخ سے لے کر 20 اگست تک کورونا کا علاج ڈھونڈ لیا جائے گا۔
ایک نجی ٹی وی کے پروگرام میں گفتگو کرتے ہوئے ہمایوں محبوب نے بتایا کہ گزشتہ برس 29 دسمبر کو ہونے والے سورج گرہن کے بعد کورونا وائرس پھیلنا شروع ہوا تھا۔
انہوں نے بتایا کہ رواں ماہ کی 21 تاریخ کو ہونے والے سورج گرہن کے بعد دنیا میں کافی تبدیلیاں رونما ہوں گی، چار مئی سے 18 جون کے دوران کورونا شدت اختیار کرے گا اور پھر 18 سے 20 اگست کے درمیان اللہ نے چاہا تو طریقہ علاج دریافت ہوجائے گا یا پھر وائرس کی ویکسین آجائے گی۔
ہمایوں محبوب کا کہنا تھا کہ دنیا میں اب تک آنے والے کسی بھی وائرس کا مکمل طور پر خاتمہ نہیں ہوا البتہ اس کا زور کم ضرور ہوا ہے۔