مائیکرو سافٹ کمپنی کے شریک بانی بل گیٹس نے اظہارِ برہمی کرتے ہوئے کہا ہے کہ کورونا وائرس کے سے متعلق یہ خیالات بالکل بے بنیاد ہیں کہ کورونا کا پھیلاؤ انسانوں میں مائیکرو چپس نصب کرنے کیلئے کیا گیا۔
تفصیلات کے مطابق بل اینڈ میلنڈا گیٹس فاؤنڈیشن کے مالک بل گیٹس کورونا وبا کے پھیلانے پر سازشی خیالات کے دعوے پر پھٹ پڑے، اور انہوں نے اس بات کو مسترد کیا کہ کورونا وائرس اس لئے پھیلایا گیا ہے تاکہ انسانوں میں مائیکرو چپس نصب کی جا سکیں۔
گزشتہ روز صحافیوں سے بات چیت کے دوران بل گیٹس کا کہنا تھا کہ آج اس قدر جھوٹ بولا جارہا ہے، میں کبھی بھی مائیکرو چپ جیسے منصوبوں کا حصہ نہیں رہا درحقیقت اس کی تردید کرنا بھی بہت مشکل ہے کیونکہ یہ انتہائی عجیب بات ہے۔