کورونا وائرس کی وجہ سے دنیا بھر میں لاک ڈاؤن تا حال برقرار ہے۔ چند ایک ممالک میں لاک ڈاؤن میں نرمی کے بعد تعلیمی ادارے بھی کھل گئے ہیں۔
بھارت سے تعلق رکھنے والی کیمسٹری کی ٹیچر مومیتا بی نے آن لائن کلاس لینے کے لئے اس انداز سے موبائل کو سیٹ کیا کہ صارفین ان کی تعریف کئیے بغیر نہ رہ سکے۔
مومیتا بی کی جانب سے سوشل میڈیا پر ویڈیو شیئر کی گئی جس میں انہوں نے لکھا کہ موبائل رکھنے کیلئے ٹرائی پوڈ اسٹینڈ نہیں تھا اس لیے انہوں نے اپنی مدد آپ کے تحت موبائل کو کپڑے لٹکانے والے ہینگر میں باندھ کر ہینگر کو ایک جگہ رکھنے کے لیے چھت اور کرسی کی مدد سے کمرے کے درمیان میں لٹکایا ہوا ہے۔
کمپیوٹر کی سکرین کے دوسری طرف بیٹھے بچوں کو یہ لگ رہا ہے جیسے کلاس روم میں بیٹھے ہوں۔
اس طرح جب وہ بچوں کو سمجھانے کے لیے تختہ سیاہ پر لکھیں تو بچے انہیں اور بورڈ کو آسانی سے دیکھ سکیں۔ مومیتا بی کے اس انداز نے سب کو حیران کردیا۔