سائنسدانوں کی اس حوالے سے نئی تحقیق سامنے آئی ہے، جس میں یہ انکشاف ہوا ہے کہ گنج پن کے شکار افراد کو کورونا زیادہ جلدی ہوتا ہے۔
تفصیلات کے مطابق تحقیق امریکی ڈاکٹر فرینک گیبرن کی موت کے بعد سامنے آئی جو گنج پن کا شکار تھے اور کورونا وائرس کی مہلک ترین وبا میں مبتلا ہوکر ہلاک ہوئے تھے۔ ماہرین نے اس تحقیق کو ڈاکٹر فرینک گیبرن کے نام سے منسوب کردیا ہے۔
غیر ملکی خبر رساں ادارے کی رپورٹ کے مطابق سائنسدانوں نے اپنی تحقیق میں بتایا کہ مردوں میں اینڈروجین نامی ہارمون پائے جاتے ہیں جو گنج پن کی وجہ بنتے ہیں اور یہی ہارمونز کورونا وائرس کو خلیوں پر حملے میں مدد دیتے ہیں۔
سائنسدانوں کی رائے ہے کہ مردوں میں گنج پن کا سبب بنے والے ہارمونز کی وجہ سے ہی کرونا وائرس سے مردوں کی ہلاکت کی شرح زیادہ ہے۔
ایسی کئی تحقیق پہلے ہی مختلف سائنسی جریدوں میں گردش کررہی ہیں جس میں گنج پن کے شکار مردوں کے کووڈ 19 سے زیادہ متاثر ہونے خطرات سے متعلق بتایا گیا ہے۔