چند روز قبل زرتاج گل کی ایک ویڈیو وائرل ہوئی جس میں وہ کووڈ 19 کا مطلب بتا رہی ہیں۔
وفاقی وزیر نے کورونا کے حوالے سے بات کرتے ہوئے کہا تھا کہ جب تک ویکسین نہیں آتی تب تک ہمیں احتیاطی تدابیر اپناتے ہوئے اس بیماری کے ساتھ رہنا پڑے گا اور یہ کہ کووڈ 19 کا مطلب ہے کہ اس کے 19 پوائنٹس ہیں جو کسی بھی ملک میں کسی بھی طریقے سے نقصان پہنچا سکتے ہیں، اس لیے اب وہاں کے لوگوں پر ہے کہ وہ قوت مدافعت کو کیسے پیدا کریں۔
زرتاج گل کی اس ویڈیو پر سوشل میڈیا صارفین کی جانب سے شدید تنقید کی گئی۔
تاہم اب معروف گلوکار و کامیڈین علی گل پیر نے بھی زرتاج گل کے بتائے گئے کووڈ کے 19 پوائنٹس پر مزاحیہ ویڈیو جاری کردی جو سوشل میڈیا پر وائرل ہوگئی۔
ویڈیو میں علی گل پیر کووڈ 19 کے انیس پوائنٹس کو بورڈ پر سمجھاتے دکھائی دے رہے ہیں اور انیس پوائنٹس سے بچنے کے لیے مختلف طریقے بھی اپناتے دکھائی دیے رہے ہیں۔