بالی ووڈ اسٹار عامر خان بھارت میں تو مشہور ہیں ہی لیکن پاکستان میں بھی کافی مقبول ہیں۔ یہاں تک کہ پوری دنیا میں ہی ان کے لاکھوں مداح موجود ہیں۔
لیکن کیا آپ جانتے ہیں کہ عامر خان کس مشہور پاکستانی فنکار کے رشتہ دار ہیں؟
تفصیلات کے مطابق عامر خان پاکستان و بھارت کے معروف گلوکار علی ظفر کے سسرالی رشتہ دار ہیں۔ جی ہاں! عامر خان علی ظفر کی اہلیہ کے کزن ہیں۔
اس بات کا اعتراف عامر خان نے متعدد انٹرویوز کے دوران کیا جبکہ علی ظفر نے بھی اس بات کا اعتراف کیا ہے۔
واضح رہے کہ علی ظفر کئی بالی ووڈ فلموں میں اپنی شاندار اداکاری کے جوہر دکھا چکے ہیں۔