اداکارہ صبور علی آج کل متعدد ڈراموں میں اداکاری کرتی دکھائی دے رہی ہیں، ان کی بہن سجل علی اور یہ دونوں ہی بہترین اداکارائیں ہیں۔
تفصیلات کے مطابق صبور علی کی ایک ویڈیو سوشل میڈیا پر کافی وائرل ہورہی ہے جس میں انہوں نے اپنی زندگی کے ایک یادگار واقعہ کا ذکر کیا ہے۔ مذکورہ ویڈیو ایک انٹرویو کے دوران کی ہے۔
صبور علی نے ویڈیو میں بتایا کہ ایک مرتبہ ایک آنٹی ان کے لیے رشتہ لے آئی تھیں۔
اداکارہ کا کہنا تھا کہ میں لاہور کے ایک مال میں تھی جب ایک آنٹی نے میرا پیچھا کیا یہاں تک کہ لفٹ میں بھی آگئیں اور کہنے لگیں کہ میں آُ کے لیے اپنے بیٹے کا ہاتھ مانگتی ہوں، آپ ہاں کردیں۔ ہم لندن سے آئے ہیں کچھ عرصہ میں واپس چلے جائیں گے۔
صبور علی نے ان آنٹی کو جواب دیا کہ میری ماما ہی یہ سب کرتی ہیں اور بڑی مشکل سے جان چھڑوائی۔