پاکستان شوبز سے تعلق رکھنے والی مقبول ترین اداکارہ صبا قمر کی جانب سے ایک نئی منفرد قسم کی ویڈیو جاری کی گئی ہے جس میں وہ شادی سے متعلق روایتی اور عجیب و غریب خیالات پر تنقید کرتی نظر آ رہی ہیں۔
باصلاحیت اداکارہ صبا قمر سوشل میڈیا پر کافی متحرک نظر آتی ہیں اور حال ہی میں انہوں نے اپنا یو ٹیوب چینل بھی لانچ کیا ہے، صبا قمر معاشرے کے کئی مسئلوں پر بات کرتی اور اپنا رد عمل دیتی نظر آتی ہیں، جنہیں مداحوں کی جانب سے خوب سراہا بھی جاتا ہے۔
انہوں نے مزید کہا کہ شادی کے بعد کوئی بھی فیصلہ میاں بیوی کا نہیں رہتا بلکہ گھر کی کوئی بزرگ خاتون فیصلے کرتی ہیں کہ مرنے سے پہلے تمہاری اولاد دیکھنا چاہتی ہوں، اور اگر اللّٰہ کی عطا کردہ توفیق سے بیٹی جیسی رحمت کی گھر آمد ہو جائے تو مطالبات بڑھ جاتے ہیں کہ پوتا دیکھنے کی خواہش تھی لیکن یہ تو پوتی ہو گئی۔
صبا قمر نے ویڈو شئیر کرتے ہوئے مزید کہا کہ وہ اپنے لئے شادی کرنا چاہتی ہیں لوگوں کو دکھانے کے لئے نہیں، صبا قمر نے ویڈیو شئیر کرتے ہوئے اپنی پوسٹ میں ہیش ٹیگ شادی کرو کاروبار نہیں بھی استعمال کیا۔
صبا قمر نے چند گھنٹے پہلے فوٹو، ویڈیو شیئرنگ ایپلیکشن انسٹاگرام پر شادی اور اس سے متعلق مسائل پر ایک ویڈیو شیئر کی ہے، ویڈیو میں صبا قمر رشتے کرانے والی آنٹیوں پر تنقید اور شادی کے بعد لڑکی کو سُسرال میں پیش آنے والے مسائل پر اپنی رائے کا اظہار کر رہی ہیں۔
اداکارہ صبا قمر نے اپنی انسٹا پر ویڈیو اپ لوڈ کی جس میں ان کا کہنا تھا کہ ہمارے معاشرے میں دو طرح کے لوگ لڑکی کا رشتہ دیکھنے آتے ہیں، ایک تنگ نظر اور دوسرے آزاد خیال لوگ مگر دونوں خاندانوں کو بہو کی شکل میں نوکرانی ہی چاہیے ہوتی ہے، لڑکی اگر پڑھی لکھی ہے تو نوکری اور اگر ان پڑھ ہے تو گھر کا کام کرنے والی۔