تفصیلات کے مطابق 44 سالہ اداکار سمیر شرما کی لاش ان کے ممبئی کے علاقے ملاد میں واقع اپارٹمنٹ سے ملی ہے ، پولیس کا کہنا ہے کہ اداکار نیہا سی ایس ایچ بلڈنگ کی پہلی منزل پر رہائش پذیر تھے۔
بھارتی میڈیا کی رپورٹ کے مطابق چوکیدار نے کچن کی کھڑکی سے اداکار سمیر شرما کو لٹکے دیکھا جس کی فوری اطلاع اپارٹمنٹ میں مقیم افراد اور پولیس کو دی گئی۔
اداکار کی لاش پوسٹ مارٹم کے لئے سرکاری ہسپتال منتقل کر دی گئی۔ پولیس کے مطابق سمیر شرما نے فروری میں یہ اپارٹمنٹ کرائے پر حاصل کیا تھا تاہم اس حوالے سے مزید تحقیقات جاری ہیں۔
خیال رہے کہ اداکار سمیر شرما مشہور بھارتی ڈرامہ سیریل کہانی گھر گھر کی اور کیوں کہ ساس بھی کبھی بہو تھی میں بھی اداکاری کر چکے تھے۔