مریم نواز کے بیٹے جنید صفدر کی منگنی ہوگئی۔۔۔ لڑکی کون ہے اور کیا کرتی ہے؟

پاکستان کے سابق وزیراعظم نواز شریف کی بیٹی مریم صفدر کے بیٹے جنید صفدر کی منگنی ہوگئی ہے۔

پاکستان کے معروف صحافی سہیل وڑائچ کے مطابق رہنما مسلم لیگ ن مریم نواز کے بیٹے جنید صفدر جلد رشتہ ازدواج میں منسلک ہونے جارہے ہیں۔ جنید صفدر سابق وزیر نواز شریف کی بیٹی مریم نواز اور داماد کیپٹن صفدر کے اکلوتے بیٹے ہیں۔ جنید صفدر طویل عرصے سے برطانیہ میں اپنی تعلیم کی غرض سے مقیم ہیں۔

بی بی سی کے لئے لکھے گئے اپنے کالم میں صحافی سہیل وڑائچ نے جہاں جنید صفدر کی شادی کے حوالے سے انکشاف کیا ہے وہیں انہوں نے سابق وزیراعظم نوازشریف کی لندن کے پارک لین فلیٹ میں سرگرمیوں کے حوالے سے بھی بتایا کہ وہ ناصرف وہاں پر پارٹی سیاست کے حوالے سے متحرک ہیں بلکہ اپنے خاندانی معاملات بھی دیکھ رہے ہیں جس میں ان کا سب سے اہم ایجنڈا جنید صفدر کی شادی ہے۔

تاہم آپ کے ذہن میں یقیناً یہ سوال ہوگا کہ لڑکی کون ہے؟ اس حوالے سے کالم نگار سہیل وڑائچ کا خیال ہے کہ وہ سابق سربراہ قومی احتساب بیورو کے گھر سے تعلق رکھتی ہیں۔ جو اس وقت قطر میں مقیم ہیں۔ جبکہ اس حوالے سے بتایا جاتا ہے کہ جنید صفدر کے لئے لڑکی کا انتخاب خود ان کے نانا میاں محمد نواز شریف نے کیا ہے۔

تاہم ایک اور سینئیر صحافی چودھری غلام حسین کی جانب سے بھی اس خبر کی تصدیق کی گئی ہے ساتھ ہی ان کا کہنا ہے کہ مریم صفدر اس حوالے سے مکمل طور پر رابطے میں ہیں جبکہ جنید صفدر کی شادی حوالے سے لڑکی کی بھی تصدیق کی گئی ہے کہ وہ ایک امیر گھرانے سے تعلق رکھتی ہیں اور وہ گھر کسی اور کا نہیں بلکہ سابق سربراہ قومی احتساب بیورہ سیف الرحمن کا ہے۔


واضح رہے ان کی منگیتر یورنیورسٹی کالج آف لندن سے فارغ التحصیل ہیں جبکہ انہوں نے ڈرہم یونیورسٹی سے سیاست میں بی اے آنرز اور یونیورسٹی کالج لندن سے ایم ایس سی کی ڈگری حاصل کر رکھی ہے۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

4587