لاک ڈاؤن کے بعد تعلیمی سرگرمیاں معمول پر آچکی ہیں اور کورونا کے پیشَ نظر سخت ایس و پیز کے تحت اسکول و کالجز میں حفاظتی اقدامات کو یقینی بنایا جا رہا ہے اور خلاف ورزی کرنے والے طلبعلموں کو سزائیں بھی دی جارہی ہیں۔
تفصیلات کے مطابق کورونا ایس او پیز پر عمل درآمد نہ کرنے پر پشاور میں ایک نجی اسکول کو سیل کر دیا گیا جبکہ بچوں کو ایک گھنٹے تک دھوپ میں کھڑا رکھنے کی سزا بھی دی گئی۔
پشاور کے پوش علاقے حیات آباد کے ایک نجی اسکول کو کورونا وائرس کے پیش نظر حفاظتی اقدامات نہ کرنے پر اسسٹنٹ کمشنر حبیب اللہ نے سیل کیا جبکہ بچوں کے کندھوں پر ان کے بستے رکھ کر ایک گھنٹے تک دھوپ میں کھڑا رکھا گیا۔
بچوں کو سزا کے طور پر دھوپ میں کھڑا رکھنے پر اسکول اساتزہ اور اسسٹنٹ کمشنر کے درمیان تکرار بھی ہوئی۔ اِسکول ٹیچرز کا کہنا تھا کہ بچوں کو اتنی دیر دھوپ میں کھڑا کرنا غیر انسانی رویہ ہے۔
دوسری جانب اسسٹنٹ کمشنر کا مؤقف سامنے آیا کہ ایس او پیز کی خلاف ورزی پر صرف اسکول سیل کیا گیا ہے لیکن کسی طلبہء کو سزا نہیں دی گئی۔