فہد مصطفیٰ پاکستان کے نامور اداکار، پروڈیوسر اور ٹی وی پروگرام کے میزبان ہیں۔ فہد نے جب سے پروگرام جیتو پاکستان کی میزبانی کا آغاز کیا ہے، تب سے ہی ان کے مداحوں کی تعداد میں بت پناہ اضافہ ہوگیا ہے۔
فہد ویسے تو انٹرویوز میں کم ہی نظر آتے ہیں لیکن فہد کے ایک انٹرویو کی ویڈیو کا کلپ سوشل میڈیا پر وائرل ہوا جس میں انہوں نے اپنی اہلیہ ثناء اور اپنے پروگرام کے حوالے سے کچھ انکشاف کیے۔
فہد کا کہنا تھا کہ ''جیتو پاکستان میں میزبانی کرنے کے باعث مجھے ایسا لگتا ہے جیسے روز میرا ولیمہ ہو، لوگ مجھے اتنی اٹینشن دیتے ہیں''۔
ایک سوال کے جواب میں فہد کا کہنا تھا کہ ''میں اداکاری کرنے کے لیے کسی پروڈیوسر کا محتاج نہیں ہوں، میں نے اپنی محنت اور لگن کے ساتھ پروڈکشن ہاؤس کھولا، اب میرا جب دل کرے میں اداکاری کر سکتا ہوں''۔
اپنی اہلیہ سے متعلق فہد مصطفیٰ نے انکشاف کیا کہ ''میرا اور ثناء کا میاں بیوی والا رشتہ نہیں ہے، ہم ایک بہترین دوست ہیں اور میں کبھی بھی ثناء کی کمپنی میں بور نہیں ہوتا، ویسے بھی میرے دوستوں کی تعداد انتہائی کم ہے''۔
فہد مصطفیٰ نے اپنے انٹرویو کے دوران مزید کیا کہا، ویڈیو ملاحظہ کیجیے۔