صفدر اعوان کی گرفتاری کے وقت سادہ لباس میں ملبوس شخص کون تھا؟ حقیقت سامنے آگئی

مسلم لیگ ن کے رہنما کیپٹن (ر) صفدر اعوان کی گرفتاری کے وقت سادہ لباس میں ملبوس شخص مریم نواز کا اپنا گارڈ تھا جسے ایک نجی چینل نےادارے کا اہلکار بتایا۔

واقعے کی وائرل ویڈیو میں دیکھا جاسکتا ہے کہ صفدر اعوان کو باعزت طریقے سے لے جایا گیا جبکہ انہوں نے پولیس موبائل میں بیٹھنے سے پہلے نعرے بازی بھی کی۔

تاہم معاون خصوصی برائے اطلاعات شہباز گل نے ٹوئٹر پر لکھا کہ ''ایک چینل پر خبر چلی کہ سادہ کپڑوں میں ملبوس اہلکار کسی سے ہدایات لے رہا ہے، یہ سب مل کر ہمیں بیوقوف بنانے کی کوشش کررہے ہیں۔ اصل میں یہ سادہ کپڑوں میں ملبوس شخص کسی ادارے کا اہلکار نہیں، سادہ کپڑوں میں ملبوس شخص مریم نواز کا اپنا گارڈ ہے''۔

ایک چینل پر خبر چلی کہ سادہ کپڑوں میں ملوث اہلکار کسی سے ہدایات لے رہا ہے۔ یہ سب مل کر ماموں بنانے کی کوشش کر رہے ہیں۔ اصل میں یہ سادہ کپڑوں میں مہبوس شخص کسی ادارے کا اہلکار نہیں۔ بلکہ جھوٹی باجی مریم کا اپنا گارڈ ہے۔ کتنا جھوٹ اور بولو گے آپ لوگ pic.twitter.com/46gvfQomT2

— Dr. Shahbaz GiLL (@SHABAZGIL) October 22, 2020

شہباز گل کا کہنا تھا کہ ''آپ لوگ اور کتنا جھوٹ بولیں گے؟''

مسلم لیگ ن کی مرکزی نائب صدر مریم نواز نے گرفتاری کے روز نیوز کانفرنس کے دوران کہا تھا کہ کیپٹن (ر) صفدر کو دروازہ توڑ کر گرفتار کیا گیا ہے۔