آن ڈیمانڈ اسٹریمنگ کے شعبہ میں فروغ کے لئے
پاکستان میں پہلے او ٹی ٹی نیٹ ورک ''اردو فلکس'' کا اعلان
دنیا بھر میں آن لائن اسٹریمنگ کے زریعے مرحلہ وار اور کم وقت پر مبنی ویب سریز، ڈاکیومینٹریز اور دستاویزی فلمز وغیرہ کا رجحان بڑھ گیا ہےاور یہ تیزی سے مقبول بھی ہورہا ہے ، پاکستان میں اس شعبے کو فروغ دینے کے لئے بین الاقوامی سطح پر معروف ڈیجیٹل نیٹ ورک "ای میکس میڈیا" نے پاکستان کے پہلے اردو اسٹریمنگ پلیٹ فارم''اردو فلکس'' فراہم کرنے کا اعلان کردیا ہے۔
تفصیلات کے مطابق اردو فلکس کے زریعے ناظرین اردو فلمز،سریز، کارٹونز، ترکی کے ڈراموں کی اردو زبان میں ڈبنگ اور ، ڈاکیومینٹریز با آسانی دیکھ سکیں گے ۔
واضح رہےکہ معروف تفریحی نیٹ ورک ای میکس میڈیا پاکستان میں ایسا پہلا نیٹ ورک ہوگا جو خاص اردو زبان کا ( او ٹی ٹی ) اسٹریمنگ پلیٹ فارم مہیا کرنے والا ہے ،جبکہ اس ہی نیٹ ورک کی بدولت پاکستان شوبز کے کام کو عالمی مارکیٹ میں پزیرائی حاصل ہوئی۔
توقع ہے کہ یہ او ٹی ٹی پلیٹ فارم جنوری 2021کے وسط میں باقاعدہ لانچ کردیا جائے۔