فیصل آباد میں ایک خاتون کی جانب سے پاکستان کی معروف گلوکارہ حدیقہ کیانی کے خلاف 2 کروڑ روپے ہرجانے کا دعوی دائر کیا گیا ہے۔
تفصیلات کے مطابق خاتون جن کا نام 'زاہدہ' ہے، انہوں نے یہ دعویٰ کیا ہے کہ حدیقہ کیانی بیوٹی سیلون نے ان کے بال خراب کر دیے۔
زاہدہ کا کہنا ہے کہ ''انہوں نے گلوکارہ کے بیوٹی سیلون سے بال اسٹریٹ کروائے تھے، لیکن مضر اور ناقص کریموں کے استعمال سے بال جھڑ گئے جس کا واضح اثر میری شخصیت پر ہوا''۔
تاہم عدالت نے حدیقہ کیانی، فرنچائز اونر، ڈپٹی کمشنر اور ڈسٹرکٹ ہیلتھ آفیسر کو 16 دسمبر کو طلب کیا ہے۔
حدیقہ کیانی سیلون کی جانب سے اس بارے میں کوئی مؤقف سامنے نہیں آیا جبکہ انہوں نے یہ ضرور کہا ہے کہ معاملے پر عدالت میں جواب جمع کرائیں گے۔
واضح رہے فرنچائز اونر کے خلاف بھی 2 کروڑ ہرجانہ اور اخراجات کی مد میں 25 لاکھ کا دعویٰ دائر کیا ہے۔