کورونا وائرس کے باعث ملک بھر میں تعلیمی ادارے بند کردیے گئے ہیں تاہم وفاقی وزیر تعلیم شفقت محمود نے حال ہی میں ایک بیان دیا جس میں بتایا کہ تمام تعلیمی ادارے دوبارہ کب کھولے جائیں گے؟
تفصیلات کے مطابق شفقت محمود نے کہا ہے کہ ''بچے گھروں میں رہ کر محفوظ ہیں، حالات بہتر ہوتے ہی تعلیمی ادارے کھول دیے جائیں گے''۔
وفاقی وزیر تعلیم نے تعلیمی اداروں میں چھٹیاں کرنے کے فیصلے کو درست قرار دیا اور کہا کہ ''حالات بہتر ہوتے ہی تعلیمی ادارے کھول دیے جائیں گے، بچوں کو خطرے میں نہیں ڈالنا چاہتے''۔
تاہم ملک میں کورونا کی دوسری لہر کے باعث کیسز میں اضافے کی وجہ سے حکومت کے تعلیمی اداروں کو بند کرنے کے فیصلے کو کافی سراہا جا رہا ہے۔
جبکہ شفقت محمود نے خود بھی تعلیمی اداروں میں چھٹیاں دینے کا فیصلہ درست قرار دے دیا۔ انہوں نے کہا کہ ''فی الحال حالات کا جائزہ لے رہے ہیں، بچوں کی جانیں زیادہ عزیز ہیں''۔