ممتاز عالمِ دین اور ہر کسی کے پسندیدہ مولانا طارق جمیل صاحب کورونا وائرس میں مبتلا تھے جبکہ اب انہوں نے اپنے چاہنے والوں کے لئے ایک پیغام جاری کیا ہے۔
طارق جمیل صاحب کورونا سے صحتیاب ہو چکے ہیں اور انہیں اسپتال سے ڈسچارج کر دیا گیا ہے۔
ٹوئٹر پر ٹوئٹ کرتے ہوئے مولانا طارق جمیل کا کہنا تھا کہ ''آج الحمداللہ ہسپتال سے گھر منتقل ہو گیا ہوں، آپ سب کی دعاوں اور محبتوں کا بے حد مشکور ہوں، اور دعا گو ہوں کہ اللہ تمام مریضوں کو صحت کی نعمت سے نوازے''۔
مولانا کا علاج کرنے والی ڈاکٹرز کی ٹیم نے طارق جمیل کا طبی معائنہ کیا اور ان کی صحت کو تسلی بخش قرار دیا۔
یاد رہے 13 دسمبر کو مولانا طارق جمیل کا کورونا ٹیسٹ مثبت آیا تھا۔ ڈاکٹرز کی ہدایت پر وہ اسپتال میں داخل ہوگئے تھے۔