پاکستان کی الیکٹرک گاڑیوں پر عوام کو کتنی اور کس طرح کی سہولت دی جا رہی ہے؟

مقامی طور پر تیار الیکٹرک گاڑیوں پر سیلز ٹیکس کی شرح 1 فیصد ہو گی، وفاقی وزیر حماد اظہر کا ٹوئٹ۔

تفصیلات کے مطابق وفاقی وزیر حماد اظہر نے ٹوئٹر پر جاری کردہ پیغام میں کہا ہے کہ مقامی طور پر تیار شدہ الیکٹرک گاڑیوں پر ایک فیصد سیلز ٹیکس کی شرح 50 کلو واٹ تک ہوگی جبکہ لائٹ کمرشل گاڑیوں پر یہ شرح 150 کلو واٹ تک کی گاڑیوں پر عائد ہو گی۔

Cabinet has today approved the Electric Vehicle policy for 4 wheelers.
Salient features:

- Removal of Addn Customs duty and AST on imports of EV cars.

- For Manufacturers: only 1% tax on import of EV parts.

- Registration & annual renewal fee waiver for EVs in ICT. 1/2

— Hammad Azhar (@Hammad_Azhar) December 22, 2020

وفاقی وزیر حماد اظہر نے ٹوئٹ میں الیکٹرک گاڑیوں کے سلسلے میں ٹیکس معاملات کی تفصیلات بتاتے ہوئے مزید کہا کہ چارجنگ کے آلات پر ڈیوٹی ایک فیصد ہو گی، جبکہ الیکٹرک گاڑیوں کی تیاری کے لیے پلانٹس اور مشینری کی درآمد ڈیوٹی فری ہوگی۔

کابینہ کی جانب سے 4 وہیلرز کے لیے الیکٹرک وییکل پالیسی کی منظور دے دی گئی ہے، تاہم اس پالیسی کے مطابق الیکٹرک گاڑیوں کی درآمد پر اے ایس ٹی (ایکسلریٹڈ سیلز ٹیکس) اور اضافی کسٹم ڈیوٹی ہٹا دی جائے گی۔

انہوں نے پیغام میں واضح کیا کہ مینوفیکچررز کے لیے پالیسی کے مطابق الیکٹرک گاڑیوں کے پارٹس کی درآمد پر صرف ایک فیصد ٹیکس عائد کیا گیا ہے تاہم انفارمیشن کمیونیکیشن ٹیکنالوجی میں الیکٹرک گاڑیوں کے لیے رجسٹریشن اور سالانہ رینیول فیس بھی ختم کر دیا ہے۔

یاد رہے کہ پاکستان میں مقامی طور پر تیار الیکٹرک گاڑیوں کو ماحول دوست اور کم بجٹ والی گاڑی قرار دیا گیا ہے جو کہ عوام با آسانی استعمال کر سکیں گے۔