اکثر گاڑیاں جو گھروں سے باہر دن رات کھڑی رہتی ہیں ان پر مٹی اور رات کے وقت اوس گر جاتی ہے جس کی وجہ سے کار چلانے والے افراد کو پریشانی کا سامنا کرنا پڑتا ہے۔ جہاں تک بات گاڑی پر مٹی کے آنے کی ہے تو وہ کپڑا مار کر صاف کی جاسکتی ہے۔ لیکن زیادہ تر مسئلہ رات کے اوقات میں پڑنے والی اوس کا ہے جس کو صاف کرنا مشکل کام ہوتا ہے تو اس کے حل کے لیے کیا طریقہ کار اپنایا جاسکتا ہے؟
گاڑی پر پڑنے والی نمی اور ہوا آپ کی گاڑی کے لئے تباہ کن ثابت ہوسکتی ہے۔ اس کے علاوہ اوس کا پانی اگر گیئر باکس میں داخل ہوجائے آپ کی گاڑی میں مسائل پیدا ہوسکتے ہیں۔ تو کیا آپ نے اپنی گاڑی کو نمی سے بچانے کے لیے مثبت انتظامات کیے ہیں یا نہیں؟
آج ہم آپ کو یہی بتانے جا رہے ہیں کہ گاڑی کو فوگ (نمی) سے کیسے پاک کیا جاسکتا ہے۔
اگر آپ کی کار کی کھڑکیوں اور چھت پر فوف پڑ گئی ہے اور آپ اس مسئلے سے جلدی چھٹکارا چاہتے ہیں تو سب سے پہلے اپنی گاڑی کے ہیٹر کو آخری حد تک تیز کردیں تاکہ ہیٹ اپ کے باعث گاڑی میں موجود نمی جذب ہوجائے، اور درجہ حرارت کچھ زیادہ گرم محسوس ہو تو اسے نارمل کرنے کے لیے اے سی چلا لیں۔
اے سی چلانے سے یہ ہوگا کہ جب کولنگ کوائلز سے گزرے گی تو نمی ختم ہوجائے گی ساتھ ہی ری سرکولیشن بٹن بھی بند کردیں تاکہ سرد اور خشک ہوا گاڑی میں داخل ہوکر شیشوں پر ہونے والی نمی کو ختم کرسکے۔
ماہرین کا یہ بھی کہنا ہے کہ اگر شیشوں اور بالخصوص ونڈ اسکرین پر زیادہ دھند ہو تو ایک منٹ کے لیے گاڑی کے دروازے کھول دیں اور اگر ایسا ممکن نہیں تو ایک شیشہ نیچے کردیں۔