ترکی نے اقوام متحدہ کی انسانی حقوق کی کونسل میں مسئلہ کشمیر کے لئے آواز بلند کر دی، بھارت کے سامنے نیا مطالبہ رکھ دیا۔
تفصیلات کے مطابق ترکی نے ایک بار پھر اقوام متحدہ کی انسانی حقوق کونسل میں مسئلہ کشمیر اٹھا دیا اور بھارت سے مقبوضہ کشمیر میں پابندیاں ہٹانے کا مطالبہ کر دیا ہے۔
مقبوضہ کشمیر میں بھارتی مظالم کے خلاف عالمی سطح پر آوازیں اٹھنے لگیں، ترک وزیر خارجہ نے اقوام متحدہ کےانسانی حقوق کونسل کے اجلاس میں کشمیر کا معاملہ اٹھاتے ہوئے کہا کہ ''مسئلہ کشمیر کا حل اقوم متحدہ کی قراردادوں اور کشمیریوں کی اُمنگوں کے مطابق ہونا چاہئیے''۔
اجلاس میں انہوں نے بھارت کے سامنے مطالبہ رکھ دیا، کہا کہ بھارت مقبوضہ کشمیر میں پابندیوں میں نرمی کرے۔
دوسری جانب سابق وزیراعلی مقبوضہ کشمیر فاروق عبد اللّٰہ نے بھی بھارت سے پاکستان کے ساتھ مذاکرات کرنےکامطالبہ کرتے ہوئے کہا ہے کہ ''لداخ کی طرح کشمیر سے بھی فوج ہٹانے کی ضرورت ہے''۔
یاد رہے کہ مقبوضہ وادی میں بھارتی فورسز نامی درندوں نے ’’کنان‘‘ اور ’’پوشپورہ‘‘ گاوں میں تیس سال پہلے آج ہی کے دن سو سے زیادہ خواتین کو زیادتی کا نشانہ بنایا تھا۔