پاکستان آرمی ہمارے ملک کا بہت معتبر اور قابلِ عزت ادارہ ہے، جس میں ملک کے بہادر نوجوان اپنی جان کی پروہ نہ کرتے ہوئے ملک کی حفاظت کرتے ہیں، ہر سال کتنے ہی نوجوان سپاہی ملک کی بقاء کی خاطر شہادت کا رتبہ پاتے ہیں۔ آرمی کے یہ سپاہی پوری قوم کے لئے قابلِ فخر ہیں جو سخت سے سخت حالات میں ڈٹ کر دشمن کا مقابلہ کرتے ہیں یہاں تک کہ اپنے گھر والوں، ماں، باپ، بھائی بہن، بیوی بچوں تک سے دور رہتے ہیں۔
ان کی عظمت و بہادری کی مثالیں بے شمار ہیں۔ ان فوجیوں کی ہر ادا سب کو خوب بھاتی ہے، فوجیوں کے کپڑے، ان کے جوتے، ان جیسا انداز لوگ اپنانا پسند کرتے ہیں کیونکہ یہ واقعی سب سے منفرد ہوتے ہیں۔
آپ نے اکثر دیکھا ہوگا کہ ان فوجیوں کے لباس پر مختلف ستارے بنے ہوئے ہوتے ہیں اور یہ خوب چمکتے ہیں، کچھ کے لباس پر کوئی دوسرا نشان جبکہ کچھ فوجیوں کے لباس پر لکیریں اور چاند کے ساتھ تلوار بھی بنی ہوئی ہے۔ مگر کیا آپ کو پتہ ہے کہ ان ستاروں کا کیا مقصد ہوتا ہے؟
٭ آرمی کے لباس پر بنے ستارے ان کے عہدوں سے متعلق بتاتے ہیں کہ کون سا فوجی کس مرتبے پر فائز ہے۔ جن کے لباس پر 1 ستارہ موجود ہوتا ہے وہ بریگیڈیئر ہوتے ہیں۔
٭ جن کے کندھے کی پٹی پر 2 ستارے ہوتے وہ میجر جنرل ہوتے، جن کے لباس پر 3 ستارے ہوتے وہ لیفٹیننٹ جنرل ہوتے۔ جن کے پاس 4 ستارے ہوتے وہ جنرل ہوتے اور جن کے پاس 5 ستارے ہوتے وہ
فیلڈ مارشل ہوتے۔