تفصیلات کے مطابق یہ واقع امریکی ریاست میری لینڈ کی سیسل کاؤنٹی میں 47 سالہ گیل مٹ ویلی کے گھر کا ہے ۔
اس واقعے کی ویڈیو سوشل میڈیا پر وائرل ہو گئی، جس میں خاتون لان میں اس طرح کرسی پر بیٹھی ہے جیسے فرصت سے آرام کر رہی ہو، اس دوران وہ مزے سے کتاب بھی پڑھتی رہی۔
یہ دل دہلا دینے والی ویڈیو خاتون کے پڑوسی ایوری ہیمنڈ نے بنا کر سوشل میڈیا پر اپ لوڈ کی، ویڈیو میں گھر کو جلانے والی خاتون پورچ میں ایک اور شخص کے ساتھ جھگڑا کرتی بھی دکھائی دیتی ہے۔
گھر کے آس پا س رہنے والے لوگوں کے مطابق گھر کو خاتون نے کئی جگہوں سے آگ لگائی اور حیرت کی بات تو یہ ہے کہ گھر میں جب آگ لگی تو اس وقت گھر میں ایک شخص موجود تھا لیکن جب واقعہ ہوا تو اس وقت گھر میں صرف دو لوگ یعنی آگ لگانے والی عورت اور ایک شخص اور تھا لیکن ویسے عام حالات میں گھر میں چار لوگ رہتے ہیں۔
آگ میں پھنسے شخص کی جب لوگوں نے مدد کیلئے پکار سنی تو اپنی مدد آپ کے تحت گھر کے تہہ خانے سے شخص کو نکالا۔
اسی دوران گھر کو آگ لگانے والی خاتون وہاں سے چلی گئی۔
بعد ازاں پولیس نے خاتون کو گرفتار کر کے جیل بھیج دیا، خاتون کو گھر کو جان بوجھ کر آگ لگانے اور قتل کی کوشش کرنے کا فرد جرم عائد کیا گیا ہے۔
پڑوسیوں نے آگ بجھانے کے لیے فائر ڈیپارٹمنٹ کو طلب کر لیا۔