سوشل میڈیا پر ایسی کئی ویڈیوز پائی جاتی ہیں جن میں شادی کے دوران دلہا گھوڑے سے نیچے گر جاتا ہے یا پھر گھوڑا بدک جاتا ہے، لیکن آج آپ کو ایک ایسی ویڈیو دکھانے جا رہے ہیں جس میں ایک شادی کی تقریب اس میدان کی طرح لگ رہی تھی جہاں سب اپنی جان بچا کر بھاگ رہے تھے۔
ذرائع کے مطابق بھارتی ریاست اتر پردیش میں شادی کی تقریب کے دوران ہاتھی بدک گیا، جس کی وجہ سے شادی کی تقریب میں بھگدڑ مچ گئی۔
ویڈیو میں دیکھا جا سکتا ہے کہ مشتعل ہاتھی تقریب میں موجود بگی سمیت دیگر چیزوں کو تہس نہس کر رہا ہے۔
ہاتھی کو شادی میں پٹاخے جلانا ایک آنکھ نہ بھایا، تقریب میں موجود ہر چیز کو تہس نہس کر کے رکھ دیا۔ ویڈیو میں دیکھا جا سکتا ہے کہ ہاتھی اپنے آگے آنے والی ہر چیز کو اٹھا کر پھینک رہا ہے۔ ہاتھی نے گاڑی کو بھی چند فٹ پیچھے دھکیل دیا تھا۔
جبکہ دلہے نے بگی سے چھلانگ لگا کر اپنی جان بچائی۔
واضح رہے تقریب میں پٹاخوں کی آواز کی وجہ سے ہاتھی مشتعل ہو گیا تھا۔