کینیڈا کے دارالحکومت ٹورنٹو میں ایک اور اسلامو فوبیا کا واقعہ پیش آیا یہ واقعہ ٹورانٹو کے علاقے اسکاربورو میں واقعہ اسلامک انسٹیٹیوٹ
آف ٹورانٹو میں پیش آیا، اس وقعہ میں ایک مرد اور ایک عورت نے اسلامک انسٹیٹیوٹ آف ٹورانٹو میں زبردستی اندر داخل ہونے کی کوشش کی نہ صرف اندر داخل ہونے کی کوشش کی بلکہ مذکورہ جگہ میں دھماکا خیز مواد لگانے جیسی سنگین دھمکیاں بھی دیں۔
مقامی پولیس کا کہنا ہے کہ دوپہر 12 بجے 2 نامعلوم افراد نے مسجد میں گھسنے کی کوشش کی جس پر وہاں موجود لوگوں نے پولیس کو اطلاع دی اور اب وہ دونوں ملزمان پولیس کی حراست میں ہیں جبکہ مقامی پولیس کا کہنا ہے کہ ان کے پاس سے کوئی اسلحہ یا دھماکا خیز مواد اس وقت موجود نہیں تھا البتہ مقامی پولیس کا کہنا ہے کہ دھمکیاں دینے والے ملزمان کو دیکھ کر یوں معلوم ہوتا ہے کہ جیسے یہ دونوں نشے میں دھت تھے اس کے علاوہ ٹورانٹو پولیس نے ملزمان کے بارے میں مزید اور کچھ تفصیلات جاری نہیں کیں ہیں۔
واضح رہے کہ یہ کینیڈا میں میں دوسرا اسلامو فوبیا کا واقعہ ہے کیونکہ اس واقعہ سے پہلے بھی کینیڈا میں ایک شخص نے مسلمان فیملی پر ٹرک چڑھا دیا تھا جس کے نتیجے میں اس فیملی کے 4 افراد جاں بحق ہو گئے تھے۔