پول میں موجود ڈولفن نے چھ سالہ بچے کا ہاتھ چبا ڈالا ، یہ واقعہ یوکرین کے شہر اوڈیسا میں نمو ڈولفینزییم میں پیش آیا ہے، ویڈیو میں واضح دیکھا جا سکتا ہے کہ ایک چھ سالہ بچہ ایک پول کے قریب بیٹھا ہے اور پانی کے اوپر ہاتھ ہلا رہا ہے اور اسی وقت ایک ڈولفن پانی سے باہر نکل کر اس کا ہاتھ چبا ڈالتی ہے۔
بچے کو حادثے کے فوراََ بعد اسپتال لے جایا گیا جہاں بچے کے ہاتھ پر ٹانکے آئے اس واقعے پر بچے کی ماں کا کہنا ہے کہ اس واقعے کی وہ خود زمہ دار ہیں اور پول انتظامیہ کیخلاف کوئی کارروائی نہیں کرنا چاہتی۔
اس واقعہ پر پول انتظامیہ نے کہا کہ ہم لوگوں کو بار بار مطلع کرتے ہیں کہ پول کے قریب کوئی نہ جائے اور نہ ہی پانی کے قریب ہاتھ رکھیں اس کے علاوہ اب پول انتظامیہ کا کہنا ہے کہ ایسے واقعات مستقبل میں نہ ہوں اس کیلئے اب ہم حفاظتی اقدامات کو مزید بہتر بنائیں گے۔