فرانسیسی صدر کو ایک مرتبہ پھر بے انتہا شرمندگی کا سامنا کرنا پڑا، فرانسیسی صدر ایمانوئیل میکرون ایک اسکول کا دورہ کر رہے تھے اور اس دورے کے دوران ایک بچی نے صدر صاحب سے سوال کیا کہ اب آپکو تھپڑ کھانے کے بعد کیسا محسوس ہو رہا ہے اور اب آپکی طبیعت کیسی ہے؟ فرانسیسی صدر کا یہ دورہ ملک میں براہ راست نشر کیا جا رہا تھا جس کے باعث ایمانوئیل میکرون کو بے انتہا شرمندگی اٹھانی پڑی۔
بچی کے اس سوال پر فرانسیسی صدر نے مسکراتے ہوئے جواب دیا کہ " میں اب ٹھیک ہوں اور تھپڑ مارانا کوئی تفریحی عمل نہیں تھا اور نہ ہی یہ کوئی اچھی بات ہوتی ہے، اور کسی کو بھی اس طرح تھپر مارنا اچھی بات نہیں ہوتی یہاں تک کہ اسکول کے صحن میں بھی یہ اچھا عمل نہیں ہے جبکہ جس شخص نے مجھےتھپڑ مارا وہ ٹھیک نہیں تھا "۔
فرانسیسی اخبار لی فیگارو کے مطابق صدر ایمانوئیل میکرون کے ساتھ یہ واقعہ تب پیش آیا جب وہ بوائس ڈی پکارڈی قصبے میں واقع ایک اسکول کا دورہ کر رہے تھے۔ واضح رہے کہ عالمی وبا کورونا وائرس کے بعد معمولات زندگی بحال ہونے پر فرانسیسی صدر آج کل اسکولوں، ریسٹورنٹس اور بہت سی عوامی جگہوں کادورہ کر رہے ہیں ۔
فرانسیسی میڈیا کے مطابق اس سے پہلے بھی فرانسیسی صدر کے ساتھ ایک واقعہ آج سے 10 روز قبل پیش آیا جس میں ایک نوجوان نے فرانسیسی صدر ایمانوئیل میکرون کو مصافحہ کرنے کے بعد تھپڑ رسید کر دیا تھا اور اب ایک بچی کے سوال پر فرانسیسی صدر کو ہزیمت کا سامنا کرنا پڑا۔