افغانستان کی گزشتہ دنوں کی صورتحال سے سب ہی واقف ہیں جب وہاں بھرپور افرا تفریح کا عالم تھا۔ طالبان کی جانب سے افغانستان کے دارالحکومت کابل میں پیش قدمی اور سابق افغان صدر کی کابل سے فرار ہونے کی خبر پوری دنیا میں سنی اور دیکھی گئیں۔
وہیں امریکی طیارے کے ساتھ بھاگنے والے افغان شہریوں کی ویڈیو نے بھی خوب تہلکہ مچایا، سب باہر کی صورتحال سے تو تھے ہی واقف مگر اس دوران جہاز کے اندر کیا ماحول تھا ایک خاتون نے سب احوال سنایا۔
برطانوی نشریاتی ادارے بی بی سی کو انٹرویو دیتے ہوئے حسینہ نامی خاتون نے طیارے کی اندرونی صورتحال سے آگاہ کیا۔
حسینہ سید نے بتایا کہ میں جلدی میں افغان پاسپورٹ اور برطانوی ڈرائیونگ لائسنس کے ساتھ ائیرپورٹ پہنچی کیونکہ میرے شوہر اور بچے برطانیہ میں رہتے ہیں۔
خاتون نے بتایا کہ حالات کافی پر سکون سے کیونکہ جب جہاز میں موجود تمام افراد کو دیکھا تو راحت ملی لیکن ذاتی طور پر مجھے ان کیلئے افسوس تھا جنہیں ہم پیچھے چھوڑ آئے تھے، میں ان افغان شہریوں کی مدد کرنا چاہتی تھی۔
حسینہ سید نے بتایا کہ برطانوی فوجیوں نے جہاز میں سوار ہونے کیلئے ہماری مدد کی، وہ بچوں سمیت سب کی بہت مدد کررہے تھے، ہمیں کھانا فراہم بھی کیا گیا اور پانی بھی پلایا گیا،بچے جہاز میں بری طرح رو رہے تھے، مجھ سمیت جہاز میں ہر کوئی رو رہا تھا۔
خیال رہے کہ کابل سے روانہ ہونے والے امریکی طیارے سی سترہ میں 800 مسافر کے ہونے کی تصدیق ہوئی تھی۔