سوشل میڈیا پر مشہور ہونے والی چھوٹے قد کی گائے رانی اس دنیا سےچلی گئی۔
سب کی پسندیدہ بالخصوص بچوں میں مقبول رانی گائے بنگلہ دیش میں پیدا ہوئی تھی اور اس کا قد اتنا مختصر تھا کہ دور دراز سے لوگ اسے دیکھنے آیا کرتے تھے۔
بونی گائے کی ویڈیو انٹرنیٹ پر کافی وائرل ہوئی تھی اور لوگ اس کے چلے جانے کے بعد بے حد افسردہ ہیں۔
مقامی میڈیا کے مطابق رانی کا پیٹ کافی زیادہ سوج گیا تھا جس کے بعد اسے علاج کیلئے فوری طور پر اسپتال منتقل کیا گیا تاہم ڈاکٹرز اس کو زندہ نہیں رکھ سکے اور وہ محض چند گھنٹوں میں ہی دنیا سے رخصت ہوگئی۔
ڈاکٹرز کے مطابق گائے کے پیٹ پر سوجن زیادہ کھانے اور گیس جمع ہوجانے کی وجہ سے ہوئی۔
یاد رہے کہ رانی کا تعلق بنگلہ دیش کے شہر ڈھاکا سے 30 کلو میٹر کے فاصلے پر چڑی گرام کے ایک فارم سے تھا جس نے اپنے منفرد قد و قامت کے باعث کچھ ہی دنیا بھر کی توجہ حاصل کرلی تھی۔
بونی گائے کے مالک نے دعویٰ کیا تھا کہ یہ دنیا کی سب سے چھوٹی گائے ہے جس کا قد 20 انچ (51 سینٹی میٹر) جبکہ عمر 23 ماہ بتای گئی ہے، رانی کی لمبائی 26 انچ (66 سینٹی میٹر) اور وزن 26 گلو گرام ہے۔