قومی کرکٹ ٹیم کے اسکواڈ میں شامل ہونے والے شاہ نواز دھانی ورلڈ کم ٹی ٹوئنٹی میں اب تک تو کوئی میچ تو نہ کھیل سکے لیکن اپنی خوش اخلاقی اور شائستگی سے لوگوں کے دل جیت رہے ہیں۔
فاسٹ باؤلر شاہ نواز دھانی ٹیم کے ہمراہ موجود ہیں اور اکثر دوسرے کھلاڑیوں کے ساتھ تصاویر بنواتے اور سیلفیاں لیتے دکھائی دیتے ہیں۔ پاک بھارت میچ کے بعد انہوں نے مہندرہ سنگ دھونی کے ہمراہ جو بقول ان کے رول ماڈل ہیں تصویر بنوائی تھی اور وہ کافی وائرل ہوئی تھی۔
اب دھانی کی ایک اور ویڈیو وائرل ہو رہی ہے جس میں وہ اسکاٹ لینڈ کے کھلاڑیوں کو حارث رؤف کی سالگرہ کا کیک پلیٹ میں رکھ کر جا جا کر ان کے ہاتھوں میں تھما رہے ہیں۔ ان کی اس خدمت پر صارفین انہیں خوب سراہ رہے ہیں۔
صحافی احتشام الحق کی جانب سے اپنے ٹوئٹر ہینڈل پر ایک ویڈیو شئیر کی گئی جس کے کیپش میں انہوں نے لکھا کہ پاکستانی کرکٹ ٹیم کے وزیر خارجہ۔
خیال رہے شاہ نواز دھانی رواں سال ہونے والی پاکستان سپر لیگ میں سب سے زیادہ وکٹیں حاصل کرنے والے کھلاڑی ہیں جس کی بنیاد پر انہیں قومی ورلڈ کپ اسکواڈ کا حصہ بنایا گیا۔