آج پاکستان کرکٹ ٹیم ٹی ٹوئنٹی ورلڈ کپ کا سیمی فائنل میچ کھیلنے کو تیار ہے مگر سب سے بری خبر نے پاکستانی عوام کے دل توڑدیے ہیں۔
وہ خبر یہ ہے کہ ان فارم بیٹسمین محمد رضوان اور شعیب ملک دونوں کو ہی نزلہ اور بخار مرض نے قابو کر رکھا ہے تاہم اب پاکستان کرکٹ بورڈ (پی سی بی) نے عوام کو یہ خوشخبری سنا دی ہے۔
کہ وکٹ کیپر بیٹسمین محمد رضوان اور آل راؤنڈر شعیب ملک کی طبعیت میں تیزی سے بہتری آرہی ہے اور وہ دونوں اب بہت بہتر محسوس کر رہے ہیں۔ البتہ میڈیکل پینل دوپہر میں ان دونوں کا دوبارہ جائزہ لے گا۔
ہائی وولٹیج سیمی فائنل میچ میں ان دونوں کی شرکت مشکوک لگ رہی تھی اور اب بھی زرائع کے مطابق یہ خبریں آ رہی ہیں کہ دبئی میں موجود ان دونوں کھلاڑیوں کی طبعیت ایسی نہیں کہ وہ میچ کھیل سکیں۔
واضح رہے کہ اب طبعیت میں بہتری آنے کے بعد یہ امید کی جا رہی ہے کہ یہ دونوں ضرور کھیلیں گے پر اب ہوتا کیا ہے، یہ کھیلتے ہیں یانہیں یہ تو اب شام 7 بجے میچ شروع ہونے کے بعد ہی معلوم ہو گا۔