پاکستان کے شہر کراچی میں دنیا کی سب سے چھوٹی خوبصورت گائے کی آمد ہوئی ہے جس کی لمبائی 58 سینٹی میٹر بتائی گئی ہے۔
اس گائے کا نام رانی رکھا گیا ہے جس کی ویڈیوز سوشل میڈیا پر وائرل ہو رہی ہے۔ گائے کے شوقین افراد کی نظریں اس ننھی گائے پر جمی ہوئی ہیں جس کی خوبصورتی نے انہیں متاثر کیا ہے۔
اس گائے کی ویڈیو یوٹیوب چینل پر ایک چینل کی جانب سے اپ لوڈ کی گئی ہے جس کی شرارتیں اور پھرتیلی دیکھ کر کسی کا بھی اسے خریدنے کا دل چاہنے لگے۔
رانی کے مالک بتاتے ہیں کہ یہ دنیا کی سب سے چھوٹی گائے ہے جس کے لیے ہم نے گنیز بک آف ورلڈ میں نام ڈالنے کے لیے فارم جمع کرا دیا ہے۔
اس کی قیمت کے حوالے سے ان کا کہنا تھا کہ قی الحال رانی کی قیمت مختص نہیں کی گئی لیکن جلد ہی قیمت کا اعلان کر دیا جائے گا تاکہ لوگ اسے خریدنے آسکیں۔ یہ چھوٹے قد والے جانور 2 دانت کا بتایا گیا ہے۔
خیال رہے اس سے قبل دنیا کی سب سے چھوٹی گائے بنگلادیش میں دیکھی گئی تھی جو زندگی کی بازی ہار گئی تھی۔