پاکستان میں گرما گرم سیاسی صورتحال میں جہاں عوام میں شعور کی لہر کو پیدا کیا ہے وہیں اب اداکار بھی کھل کر سپورٹ کرتے دکھائی دے رہے ہیں۔
ہماری ویب ڈاٹ کام کی اس خبر میں آپ کواسی حوالے سے بتائیں گے۔
سوشل میڈیا پر وومن ونگ پی ٹی آئی کی جانب سے ویڈیو اپلوڈ کی گئی جس میں مشہور اداکارہ لیلیٰ زبیری پاکستان تحریک انصاف کے پلیٹ فارم سے نوجوان طبقے سمیت پاکستانیوں سے مخاطب ہیں۔
اداکارہ کا کہنا تھا کہ عمران خان 2 جولائی کو اسلام آباد میں جلسہ کر رہے ہیں، وہاں آپ لوگوں نے ضرور آنا ہے، خاص کر ہماری نوجوان نسل، شہری اور میری فیملی آپ سب جلسے میں شرکت کر کے اسے کامیاب بنائیں۔ کیونکہ ہم پاکستان کے لیے نکل رہے ہیں۔
ملکی مسائل اور مہنگائی سے متعلق لیلیٰ زبیری کا کہنا تھا کہ ہم ملک میں جاری مسائل کے خلاف نکل رہے ہیں، مہنگائی کو دیکھیں آسمان پر پہنچ گئی ہے، دنیا سے ہمارے تعلقات کٹتے جا رہے ہیں، معیشت گر رہی ہے۔
اداکارہ کی جانب سے نوجوان سمیت تمام پاکستانیوں سے جلسے میں شرکت کی اپیل کی گئی تھی، واضح رہے لیلیٰ زبیری نے 2014 میں پاکستان تحریک انصاف میں شمولیت اختیار کی تھی، تاہم اب پی ٹی آئی وومن ونگ کے مطابق وہ وومن ونگ کی ممبر بھی بن گئی ہیں۔