ذوالحجہ کے مہینے کا انتظار ہر مسلمان کو رہتا ہے کیونکہ ہر کسی کی خواہش ہوتی ہے حج کرنے کی اور یہ امدی دل میں رہتی ہے کہ کاش اس سال ہم بھی حج ادا کرسکیں، خدا کے گھر کو اپنی آنکھوں سے دیکھ سکیں۔ اس سے بڑھ کر مسلمان یہ خواہش کرتا ہے کہ جب وہ روضہ رسول ﷺ کی جالیوں کو دیکھے تو کلمئہ حق کہے اور خُدا کے حضور پیش ہو جائے، یعنی زبان پر ہو لا الہ اللہ اور دم توڑ جائے۔
خوش نصیب ہوتے ہیں ایسے لوگ جن کی یہ خواہش پوری ہو جاتی ہے۔ ایسا ہی کل حرمِ پاک میں دیکھنے میں آیا، ایک بزرگ شخص اللہ کے گھر میں حج کرنے کے لیے پہنچے، لیکن ان کی روح پرواز کرگئی اور یہ انتقال فرما گئے۔ سوشل میڈیا پر ان کی تصویر تیزی سے شیئر کی جا رہی ہے اور لوگ ان کی مغفرت کی دعائیں کر رہے ہیں۔ کچھ رشک کر رہے ہیں ان کی خوش قسمتی پر کہ خدا نے کیا خوب بلاوا رکھا ان کے لئے، اپنا گھر بھی دکھا دیا اور اپنے پاس بھی بلا لیا۔
حج کے موقع پر ایسا بہت سے لوگوں کے ساتھ ہوا ہے کہ حج کرنے گئے ہوں مگر خدا کے حضور پیش ہوگئے ہوں، ان کی خوش قسمتی صرف یہی نہیں ہے بلکہ اس سے بھی بڑے اعزاز کی بات یہ ہے کہ ان کی نماز جنازہ بھی خدا کے گھر میں ہی امامِ کعبہ پڑھاتے ہیں اور لا تعداد لوگ شرکت کرتے ہیں۔