چپس کے پیکٹ میں ہوا کیوں بھری ہوتی ہے؟ روزمرہ کھانے والی اس چیز سے متعلق دلچسپ سچ

image

آپ جب بھی اسنیکس خریدنے مارکیٹ جاتے ہیں تو وہاں بڑے بڑے چپس اور اسنیکس کے پیکٹ دیکھ کر آپ کا دل تو ضرور للچاتا ہوگا۔۔ اور یہ پیکٹ دیکھ کر ہم فوراً خرید بھی لیتے ہیں کہ اتنے سارے چپس مزے سے کھائیں گے۔ لیکن جب پیکٹ کھولیں تو اس میں ہوا کے ساتھ چپس کے چند ٹکڑے سب کے ارمانوں پرپانی پھیر دیتے ہیں۔

لیکن کیا آپ جانتے ہیں کہ ان پیکٹوں میں اتنی ہوا کیوں بھری جاتی ہے اور یہ کون سی ہوا یا گیس ہوتی ہے جو اس پیکٹ میں ہمیں ملتی ہے۔ یہ ہوا کوئی عام ہوا نہیں دراصل یہ ہوا آکسیجن یا کوئی اور نہیں بلکہ نائٹروجن ہوتی ہے ۔۔ نائٹروجن ایسی گیس ہے جو اپنے ارگرد دیگرمالیکیولز پرری ایکشن ظاہر نہیں کرتی اور اس طرح یہ چیزوں کو محفوظ رکھنے کے لیے مثالی سمجھی جاتی ہے۔ اس گیس کو بھرنے کی وجہ کیا ہوتی ہے یہ ہم آپ کو بتائیں گے۔

1۔ چپس کو خستہ اور کرنچی رکھتی ہے:

یہ گیس چپس کو آکسیڈائزہونے سے بچاتی ہے اس کو نرم نہیں ہونے دیتی بلکہ خستہ اور کرکرا رکھتی ہے ۔ یہ گیس بے بو اوربے ذائقہ ہوتی ہے تو چپس کا ذائقہ ویسا ہی رہتا ہے جیسا بننے کے بعد ہوتا ہے۔

2۔ چپس ٹوٹنے نہیں دیتی:

اس کی ایک وجہ یہ بھی ہے کہ چپس کے پیکٹ میں ہوا کی وجہ سے چپس کو سامان کی ترسیل اور مارکیٹس میں پہنچانے کے دوران ٹوٹنے سے بھی بچاتی ہے۔ ورنہ اگر یہ ہو ان پیکٹس میں نہ ہو تو چپس ٹوٹ کر چورا ہوجائیں گے۔

3۔ پیکٹ کو بڑا دکھانے کے لئے:

یہ ہوا پیکٹ کو بڑا دکھانے کے لئے بھی بھری جاتی ہے، کہ بڑا پیکٹ لوگوں کو اپنی طرف متوجہ کرتا ہے۔ لوگ اس کی طرف کھنچے چلے آتے ہیں.


مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.