پاکستانی شہریوں کے یو اے ای ویزہ پر پابندی کے حوالے سے اہم خبر سامنے آئی ہے۔
متحدہ عرب امارات (یو اے ای) کے کراچی کے لیے قونصل جنرل بخیت عتیق الرمیثی نے پاکستان کے بیشتر شہروں میں پیدا ہونے والے شہریوں کے لیے متحدہ عرب امارات کے ویزے کی پابندی کی اطلاعات کو ’جعلی خبر‘ قرار دیتے ہوئے سختی سے تردید کی ہے۔
انہوں نے میڈیا سے گفتگو میں کہا ہے کہ یو اے ای حکومت نے پاکستانی شہری پر ایسی کوئی پابندی نہیں لگائی گئی ہے، کوئی بھی پاکستانی شخص بلا تفریق متحدہ عرب امارات کے وزٹ یا دیگر کسی بھی ویزے کے لیے اپلائی کر سکتے ہیں اور انہیں ویزے جاری کرنے کا عمل جاری و ساری ہے۔
قونصل جنرل یو اے ای نے بتایا کہ اسلام آباد اور لاہور کے علاوہ کراچی قونصلیٹ سے بھی ان شہروں کی پیدائش رکھنے والے یا رہائشی پاکستانی بھائیوں کے وہ خود ویزے لگا کر دے رہے ہیں۔