میں نماز بھی پڑھتی ہوں اور قرآن بھی لیکن اسلام قبول نہیں کیا کیونکہ ۔۔ ڈاکٹر ذاکر نائیک ایسا کیا کہا کہ ہندو لڑکی کلمہ پڑھ کر مسلمان ہوگئی؟

اسلام دنیا میں سب سے زیادہ تیزی سے پھیلنے والا مذہب بن چکا ہے اور دنیا میں اس وقت بے شمار علماء مختلف مذاہب کے لوگوں میں اسلام کی روشنی پھیلانے کا فریضہ انجام دے رہے ہیں جن میں ڈاکٹر ذاکر نائیک کا نام بھی نمایاں ہے۔

بھارتی مقرر ذاکر عبد الکریم نائیک تقابل ادیان اور مناظروں کے حوالے سے پہچانے جاتے ہیں، پیشے کے لحاظ سے ایم بی بی ایس ڈاکٹر ہیں تاہم 1991ء سے اسلام کی تبلیغ کی جانب اپنی مکمل توجہ مرکوز کئے ہوئے ہیں۔

بھارت میں انتقامی کارروائیوں کی وجہ سے ذاکر نائیک اس وقت ملائیشیا میں مقیم ہیں تاہم بھارت میں پیش آنے والے ایک واقعہ کی ویڈیو ان دنوں سوشل میڈیا پر وائرل ہورہی ہے۔

اس ویڈیو میں ایک ہندو خاتون کا کہنا تھا کہ میں اسلامی تعلیمات سے متاثر ہوں اور دو سال سے روزے، نماز پڑھ رہی ہوں لیکن اسلام قبول نہیں کیا ۔ اس خاتون کی خواہش پر ذاکر نائیک نے کلمہ پڑھا کر اس کو دائرہ اسلام میں داخل کیا۔