“میں سالوں سے ہینڈ بال کھیل رہا ہوں۔ نیشنل لیول پر کھیلا مگر کوئی خاص پذیرائی نہیں ملی۔ گھر کی ذمہ داریاں تھیں جن کے لئے نوکری ڈھونڈی۔ جب نہیں ملی تو سبزیاں بیچنے کا کام شروع کیا“

کھلاڑیوں کے عروج و زوال کا دارومدار جہاں محنت پر ہوتا ہے وہیں کامیابی حاصل کرنے میں قسمت کا بھی بہت اہم کردار ہوتا ہے۔ کچھ کھلاڑی آتے ہی چھا جاتے ہیں لیکن دھیر دھیرے ان کی شہرت معدوم پڑجاتی ہے اور وہ گمنامی کی زندگی جینے لگتے ہیں۔ ایسے ہی ایک بھارتی ہینڈ بال کھلاڑی شیکدیب گائن ہیں جنھوں نے اپنے کھیل میں کافی نام کمایا مگر اب غربت کی وجہ سے سبزیاں بیچنے پر مجبور ہیں۔

واضح رہے کہ غربت کے ہاتھوں مجبور ہو کر سبزیاں بیچنے والے والے شکیدیب واحد کھلاڑی نہیں بلکہ گرداسپور سے تعلق رکھنے والے اور کئی گولڈ میڈلسٹ جیتنے والے ایک اور کھلاڑی کی بھی چند دن پہلے ایسی ویڈیو وائرل ہوئی تھی جس میں انھیں سبزیاں بیچتے دیکھا جاسکتا ہے۔

مودی حکومت اور ملک کا مجبور ٹیلنٹ

سوشل میڈیا صارفین کا کہنا ہے کہ کھلارڑیوں کے اس برے حالات کے ذمہ دار 2 بار وزیر اعظم بننے والے مودی ہیں جن کی لاپروائیوں کی وجہ سے ملک کا ٹیلنٹ سڑکوں پر رلنے پر مجبور ہے۔